‘कालोपोथी’ फेम्ड निर्देशक मीन भाम मुगुबाट कांग्रेसको समानुपातिक सूचीमा
नेपाल प्रेस
२०७९ भदौ २२ गते १४:३८
काठमाडौं । ‘चिसो वर्ष’को सुटिङको तयारीमा रहेका मीन भाम प्रतिनिधिसभा निर्वाचनका लागि मुगुबाट नेपाली कांग्रेसको तर्फबाट समानुपातिक उम्मेदवारको रूपमा सिफारिस भएका छन् ।
पिछडिएको खस आर्य तर्फबाट सिफारिस भएका भाम ०५० सालदेखि नै राजनीतिमा सक्रिय थिए ।
०५० देखि ०५३ सम्म नेविसंघको गाउँ समिति अध्यक्ष भएका भाम ०५४ देखि ०५६ सम्म नेविसंघको जिल्ला महासचिव बनेका थिए ।
‘चिसो वर्ष फिल्म निर्माणको तयारीमा रहेका भाम ‘कालो पोथी’ फिल्मका कारण चर्चित छन् । ‘कालोपोथी’ले भेनिस फिल्म फेस्टिभलमा अन्तर्राष्ट्रिय अवार्ड जितेको थियो ।
०७७–०७८ सालमा कांग्रेसको सूचना तथा सञ्चार विभागको केन्द्रीय समिति सदस्य भनेका भाम विगत केही दिनदेखि मुगुमै थिए ।
जिल्लाको आन्तरिक राजनीतिमा सक्रिय भएका भाम अन्ततः समानुपातिक सिफारिसमा परेका हुन् ।
नेपाल प्रेस
प्रकाशित: २०७९ भदौ २२ गते १४:३८
प्रतिक्रिया
सम्बन्धित खवर
