प्रचण्ड र चिनियाँ नेता लीबीच भेटवार्ता

काठमाडौं । नेपाल भ्रमणमा रहेका चिनियाँ जनकंग्रेसका अध्यक्ष ली चान्शु र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बीच भेटवार्ता भएको छ ।

बानेश्वरस्थित संघीय संसद भवनमा भएको भेटमा दुईपक्षीय हित र समसामयिक विषयमा छलफल भएको प्रचण्डको सचिवालयले जनाएको छ । चिनियाँ प्रतिनिधिमण्डलसँगको भेटमा माओवादी नेताहरू नारायणकाजी श्रेष्ठ, कृष्णबहादुर महरा, देव गुरुङ, पम्फा भुसाललगायत सहभागी थिए ।

सभामुख अग्नि सापकोटाको निमन्त्रणामा सोमबार नेपाल आएका लीले आज बिहान राष्ट्रियसभाका अध्यक्ष गणेशप्रसाद तिमिल्सिना, एमाले अध्यक्ष केपी ओलीसँग भेट गरिसकेका छन् ।

त्यस्तै प्रधानमन्त्री शेरबहादुर देउवा र राष्ट्रपति विद्यादेवी भण्डारीसँग पनि भेटघाटको कार्यतालिका रहेको छ ।