संविधान दिवसमा २१ जनालाई आम माफी, ६८१ जनाको कैद मिनाहा
नेपाल प्रेस
२०७९ असोज ३ गते १२:५२
काठमाडौं । संविधान दिवसका अवसरमा राष्ट्रपति विद्यादेवी भण्डारीले अदालतबाट दोषी ठहरिएका विभिन्न मुद्दाका २१ जनालाई आम माफी दिएकी छन् ।
आम माफी पाएकामध्ये १९ जना कैद जीवन बिइरहेका थिए । जेलभन्दा बाहिर रहेका २ जनाले पनि आम माफी पाएका छन् ।
गृहमन्त्रालयमा निवेदन दिएपछि त्यसलाई हेरेर राष्ट्रपतिले आममाफी दिने प्रचलन रहेको छ । यस्तै ६ सय ८१ जना कैदीले कैद मिनाहा पाएका छन् ।
५० प्रतिशत कैद भुक्तान गरिसकेका कैदीलाई असल चालचलन र मुद्धाको प्रकृतिका आधारमा राष्ट्रपतिले कैद मिनाहा गर्न सक्ने कानुनी व्यवस्था रहेको छ । आममाफी पाएका तथा कैद मिनाहा भएका कैदीहरु सोमबार नै छुटेका छन् ।
नेपाल प्रेस
प्रकाशित: २०७९ असोज ३ गते १२:५२
प्रतिक्रिया
सम्बन्धित खवर
