१० वर्षपछि दयाहाङलाई दोस्रो पुत्र लाभ
नेपाल प्रेस
२०७९ असोज ७ गते ११:५८
काठमाडौं । अभिनेता दयाहाङ राई दोस्रो सन्तानको बाबु बनेका छन् । उनकी पत्नी बेनुका राईले छोरा जन्माएको पारिवारिक स्रोतले बतायो । अहिले आमाबच्चा दुवैको स्वास्थ्य राम्रो रहेको बताइएको छ ।
राईदम्पतीका यसअघि एक छोरा छन् । छोरा जन्मिएको १० वर्षपछि उनीहरूले दोस्रो सन्तानको चाह गरेका हुन् ।
दयाहाङ र बेनुकाको बिहे २०६५ साल फागुन २ मा भएको थियो । २०६९ सालमा बेनुकाले पहिलो सन्तानका रूपमा छोरा सामदुङहाङलाई जन्म दिएकी थिइन् ।
बेनुका बिहेअघि गायन क्षेत्रमा सक्रिय थिइन् । बिहेपछि भने उनले घर सम्हाल्दै पतिको करिअरमा साथ दिँदै आएकी छन् ।
नेपाल प्रेस
प्रकाशित: २०७९ असोज ७ गते ११:५८
प्रतिक्रिया
सम्बन्धित खवर
