पपस्टार रिहाना पुनः विवादमा, टपलेस फोटोमा भगवान गणेशको नेकलेस !

काठमाडौं । पपस्टार रिहाना पुनः अर्को विवादमा तानिएकी छिन् । भारतमा चर्किएको किसान आन्दोलनलाई समर्थन गरेर विवादमा मुछिएकी उनी यसपटक भने टपलेस फोटोले चर्चामा छिन् ।

हिन्दु भगवान गणेशको आकृतिसहितको नेकलेस लगाएको टपलेस फोटो ट्वीटरमार्फत सार्वजनिक गरेपछि रिहाना अर्को विवादमा तानिएकी हुन् । रिहानाको यो फोटोले हिन्दू धर्मावलम्वीको आस्थामा चोट पुर्‍याएको भन्दै भारतीय मिडियाले विरोध गरेका छन् ।

मिडियाले रिहानाको यो हर्कतलाई आपत्तिजनक भन्दै माफी माग्न समेत भनेका छन् । ट्वीटरमा रिहानाविरुद्ध ट्रेन्ड सुरु भएको छ । किसान आन्दोलनमा समर्थन जनाएपछि रिहाना र जलवायु अभियन्ता ग्रेटा थनवर्गविरुद्ध भारतमा आक्रोश चुलिएको थियो ।

बीजेपी नेता रामा कदमले रिहानो यो तस्विरले हिन्दू भगवानको अपमान गरेको आरोप लगाएका छन् ।