एनआरएनएले लगानी गर्ने १० अर्ब कोषका लागि संस्थापकले गरे हस्ताक्षर

काठमाडौं । गैरआवासीय नेपाली संघ (एनआरएनए) को अग्रसरतामा पूर्वाधार क्षेत्रमा लगानी गर्नका स्थापना हुन लागेको ‘एनआरएन डेभलपमेन्ट फन्ड’को  कम्पनी दर्ता कागजातमा बिहीबार संस्थापकहरुले हस्ताक्षर गरेका छन् ।

गैरआवसीय नेपाली संघका अध्यक्ष कुमार पन्तले आज हस्ताक्षर भएको जानकारी दिएका छन् । उनका अनुसार कम्पनीमा गैरआवासीय नेपाली संघको १० प्रतिशत शेयर रहनेछ भने ८५ प्रतिशत विदेशमा रहेका नेपालीहरुको शेयर हुनेछ ।

दर्ता प्रक्रिया सकिनसाथ कम्पनीले गैरआवासीय नेपालीहरुलाई लगानीका लागि आइपिओ जारी गर्ने छ । यस फन्डमा नेपाल सरकारले ५० करोड रुपैयाँ लगानी गर्ने प्रतिवद्धता जनाएको छ । देशको विकास र समृद्धिमा योगदान गर्ने अभियानअन्तर्गत यो योजना ल्याइएको एनआरएनएले बताएको छ । अरू संस्थापकहरूले १० प्रतशितले हुने १ अर्ब रूपैयाँ लगानी गर्नुपर्नेमा १ अर्ब ७० करोड जुटिसकेको अध्यक्ष पन्तले बताएका छन् ।