केयू मार्बल्सले उचाल्यो केयू कप-२०२२ को उपाधि
नेपाल प्रेस
२०७९ असोज १६ गते १४:१४
काठमाडौं । केयुकप २०२२ को उपाधि ‘केयू मार्बल्स’ ले हात पारेको छ ।
सेप्टेम्बर २५ मा भएको फाइनल खेलमा प्रतिस्पर्धी मनास्लु कलेजलाई २-० गोलले पराजित गर्दै केयु मार्बल्सले जित हासिल गरेको हो ।
विजया दशमीको अवसर पारेर काठमाडौं विश्वविद्यालयकै विद्यार्थीहरूको अग्रसरतामा अन्तर कलेज स्तरीय फुटबल प्रतियोगिता केयू कप २०२२ सम्पन्न भएको हो ।
गत सेप्टेम्बर १६ देखी २५ गते सम्म चलेको उक्त प्रतियोगितामा विभिन्न १२ वटा कलेजले सहभागिता जनाएका थिए ।
प्रतियोगितामा जित हासिल गर्ने केयू मार्बल्सले उपाधिसँगै १ लाख ५० हजार नगद पुरस्कार समेत हात पारेको छ ।
उपविजेता मनास्लु कलेजले ७५ हजार रुपैयाँ हात पारेको छ ।
नेपाल प्रेस
प्रकाशित: २०७९ असोज १६ गते १४:१४
प्रतिक्रिया
सम्बन्धित खवर
