पाल्पामा दुई जना मृत भेटिए
नेपाल प्रेस
२०७९ असोज २० गते १४:०६
रुपन्देही । पाल्पामा दुई जना मृत फेला परेका छन् ।
निस्दी गाउँपालिका-३ झिरुबासका २१ वर्षीय वीरेन सोमै र सोही ठाउँका २१ वर्षीय इन्द्रबहादुर खरु बुधवार मृत फेला परेका जिल्ला प्रहरी कार्यालय पाल्पाका प्रहरी उपरीक्षक जनकबहादुर शाहीले बताए ।
उनीहरूको छुट्टाछुट्टै ठाउँमा शव फेला परेको हो ।
वीरेनको सोही गाउँपालिका-४ मित्याल र इन्द्रबहादुरको वडा-५ गल्धामा शव फेला परेका उनले बताए।
उनीहरू दुवै जना १७ गते सोमबार फूलपातिका दिन साँझ रमाइलो हेर्न भनी मित्याल मौलाथरमा सङ्गै मोटरसाइकलमा गएको बुझिएको छ।
दसैँका दिन अबेरसम्म घरमा नफर्किएपछि उनीहरूको खोजी गरिएको थियो।
नेपाल प्रेस
प्रकाशित: २०७९ असोज २० गते १४:०६
प्रतिक्रिया
सम्बन्धित खवर
