कमल थापाले पाएनन् एमालेको साथ, यी हुन् मकवानपुरका एमाले उम्मेदवार
नेपाल प्रेस
२०७९ असोज २१ गते १७:४५
हेटौँडा । नेकपा एमालेले मकवानपुरका दुवै क्षेत्रमा आफ्ना उम्मेदवार उठाउने भएको छ ।
मकवानपुरमा राप्रपा नेपालसँग तालमेल गरेर कमल थापालाई एमालेले सहयोग गर्ने हल्लाकाबीच एमालेले आफ्नो उम्मेदवार टुंगो लगाएको हो ।
केही दिन अगाडि मात्र पूर्व मुख्यमन्त्री डोरमणि पौडेल लगायत नेताले अध्यक्ष केपी शर्मा ओलीलाई भेटेर मकवानपुरमा राप्रपा नेपालको भोट नभएको भन्दै कमल थापालाई जिताउन नसकिने बताएका थिए ।
एमाले मकवानपुरका अध्यक्ष एकालाल श्रेष्ठका अनुसार प्रतिनिधिसभा क्षेत्र नम्बर १ मा रामेश्वर रानाले टिकट पाएका छन् ।
यस्तै प्रदेशसभातर्फ १ क मा कमल विष्ट, १ ख मा एकालाल श्रेष्ठले टिकट पाएका छन् ।
त्यसै गरी प्रतिनिधिसभा क्षेत्र नम्बर २ मा महेश बर्तौलाले टिकट पाउँदा प्रदेशसभातर्फ क मा विष्णु ढकाल र ख मा लालबहादुर थापाले टिकट पाएका छन् ।
नेपाल प्रेस
प्रकाशित: २०७९ असोज २१ गते १७:४५
प्रतिक्रिया
सम्बन्धित खवर
