सातौँ पटक चुनाव लड्न देउवाले गरे उम्मेदवारी दर्ता
नेपाल प्रेस
२०७९ असोज २३ गते १५:४३
काठमाडौं । प्रधानमन्त्री तथा नेपाली कांग्रसका सभापति शेरबहादुर देउवाको उम्मेदवारी दर्ता भएको छ ।
मंसिर ४ गते हुने प्रतिनिधिसभा निर्वाचनका लागि डडेल्धुराबाट सातौँ पटक उम्मेदवारी दर्ता गराएका हुन् ।
प्रधानमन्त्री देउवाको तर्फबाट उनकी धर्मपत्नी एवं नेपाली कांग्रेसकी नेत्री डा. आरजू राणा देउवाले उम्मेदवारी दर्ता गराएकी हुन् ।
प्रधानमन्त्री देउवाको कार्य व्यस्तताको कारणले वारिसनामासहित प्रधानमन्त्री पत्नी राणा शनिवार बेलुका डडेल्धुरा पुगेकी थिइन् ।
देउवाको प्रस्तावक जिल्ला पार्टी सचिव हेमराज चटौत र समर्थकमा पार्टी जिल्ला उपसभापति डिल्लीराज जोशी रहेका छन् ।
नेपाल प्रेस
प्रकाशित: २०७९ असोज २३ गते १५:४३
प्रतिक्रिया
सम्बन्धित खवर
