गठबन्धनमा माओवादीले पाएको सीट छाड्दा गण्डकीका कांग्रेस महामन्त्रीको खोसियो टिकट

काठमाडौं । नेकपा माओवादी केन्द्रले नवलपुर २ मा गठबन्धनको तर्फबाट आफ्नो भागमा परेको प्रतिनिधिसभाको सीट छाडेको छ। आफ्नो जनमत कमजोर भएपछि माओवादीले प्रतिनिधिसभाको सीट प्रदेशसभासँग साटेको हो ।

सो क्षेत्रमा माओवादीले कृष्ण शर्मालाई उम्मेदवार बनाउने निर्णय गरेको थियो । तर, उनले उम्मेदवारी दिन अस्वीकार गरेका छन् । माओवादी प्रदेशमा झरेपछि नवलपुर २ (क) का कांग्रेस उम्मेदवार विष्णु लामिछानेको टिकट खोसिएको छ । उनी कांग्रेस गण्डकी प्रदेशका महामन्त्री हुन् ।

प्रदेशसभामा माओवादीका विष्णु कार्कीले उम्मेदवारी दिएका छन् । उनी २०७४ सालको निर्वाचनमा एमालेका तिलक महतसँग हारेका थिए ।

प्रदेशसभातर्फ नवलपुर १ को (१) मा माओवादीकी सुस्मा खनाल र २ मा एकीकृत समाजादीको तर्फबाट डा. गोपाल खनाल उम्मेदवार बनेका छन् ।