अध्यादेशविरुद्धको रिटमाथि संवैधानिक इजलासमा सुनुवाई हुँदै

काठमाडौं । संवैधानिक परिषद सम्बन्धी अध्यादेशविरुद्ध परेका तीनवटा अलग अलग रिटमाथि आज सर्बोच्च अदालतको संवैधानिक इजलासमा सुनुवाई हुने भएको छ । सरकारले अध्यादेश फिर्ता लिन र पूरानै कानुन जीवित गराउन अर्को अध्यादेश जारी गरि नसकेको अवस्थामा संवैधानिक इजलासमा सुनुवाई हुन लागेको हो ।

बरिष्ठ अधिवक्ता दिनेश त्रिपाठी,कन्चनकृष्ण न्यौपाने र ओमप्रकाश अर्यालले दर्ता गरेका अलग अलग रिटमाथि प्रधान न्यायाधीश चोलेन्द्र शमसेर जबराको अध्यक्षताको इजलासमा एकैपटक सुनुवाई हुन लागेको हो । इजलासमा सर्बोच्चका बरिष्ठ न्यायाधीशहरु क्रमशः दिपक कार्की,मीरा खड्का,हरिकृष्ण कार्की र विश्वम्भरप्रसाद श्रेष्ठ छन् ।

इजलासमा बहसपछि आजै आदेश आउन सक्ने सम्भावना छ । रिटमा राष्ट्रपति,प्रधानमन्त्री सहित संवैधानिक परिषदका सदस्यहरुलाई समेत विपक्षी बनाइएको छ ।