गठबन्धन चुनावी तालमेल मात्रै होइन, देश जोगाउने अभियान हो : नेता पौडेल (भिडिओ)

रुपन्देही । नेपाली कांग्रेसका नेता रामचन्द्र पौडेलले गठबन्धन चुनावी तालमेल मात्र नभएर देश जोगाउने अभियान भएको बताएका छन् ।

अहिले गठबन्धन देशभक्त र राजावादीहरूको बीचमा भएको उनले बताए । अग्रगामी शक्ति र प्रतिगमनकारी शक्ति बीचको लडाई अहिलेको चुनाव हो, संविधान माथि धावा बोल्नेलाई पराजित गर्न गठबन्धन भएको हो, नेता पौडेलले भने ।

पाँच दलको गठबन्धनले देश जोगाउन, सुशासन ल्याउँछ, स्थायित्व ल्याउँछ, यसको विकल्प छैन, नेता पौडेलले भने ।

गठबन्धनको उम्मेदवार विरूद्व लाग्ने छुट कसैलाई छैन यो सहमति अक्षरशः पालना गरेर जानू पर्दछ, सत्ता होइन व्यवस्था बचाउन अहिले ५ दलको गठबन्धन हो यही सन्देश लिएर आफ्नो क्षेत्रमा जानुहोस्, उनले कार्यकर्तालाई निर्देशन दिँदै भने ।

गठबन्धन भएकाले सबैले स्थान नपाएकोमा नठुस्किन उनको आग्रह थियो । समापनमा उनले जय नेपाल र अभिवादन भनेर आफ्नाे सम्बाेधन टुंग्याए ।