पत्रकार महासंघ मकवानपुरका पूर्व अध्यक्ष पाण्डेको निधन

हेटौँडा । नेपाल पत्रकार महासंघ मकवानपुरका पूर्व अध्यक्ष कौशल पाण्डेको निधन भएको छ । केहि समयदेखि कलेजो क्यान्सरको कारण थला परेका पाण्डेको ७५ वर्षको उमेरमा बिहिबार हेटौँडाको निवासमा निधन भएको हो ।

२०५८ सालमा नेपाल पत्रकार महासंघ मकवानपुर शाखाको अध्यक्ष भएका पाण्डेले करिब ५ दशक पत्रकारिता गरेका थिए । शिक्षण पेशासँगै पत्रकारिता समेत गरेका पाण्डे मकवानपुरको कला, साहित्यमा पनि योगदान गर्ने ब्यक्ति हुन् ।

मकवानपुरको प्रगतिशिल साहित्यमा समेत योगदान दिएका पाण्डे पछिल्लो समय प्रगतिशिल साहित्यकार कवि स्वर्गीय श्यामप्रसाद शर्मा स्मृति प्रतिष्ठानका अध्यक्ष समेत थिए । २००४ साल पुस १५ गते जन्मिएका पाण्डेले मकवानपुरमा प्रयास साप्ताहिक निरन्तर प्रकाशन गरेका थिए ।