गठबन्धनका साझा उम्मेदवारको सूची सार्वजनिक हुँदै, केही ठाउँमा मित्रवत् प्रतिस्पर्धा गर्ने

काठमाडौं । सत्तारुढ पाँचदलीय गठबन्धनले केही स्थानमा मित्रवत् प्रतिस्पर्धा गर्ने भएका छन् । गठबन्धनको सीट बाँडफाँट नमिलेका कतिपय ठाउँमा दलहरूले आ-आफ्ना उम्मेदवार उठाएका छन् ।
काठमाडौं ३ र १० मा माओवादी केन्द्रले आफ्ना उम्मेदवार उठाएको छ भने काठमाडौंको अन्य प्रदेशसभा क्षेत्रमा पनि कांग्रेस, माओवादी र नेकपा एसका उम्मेदवार खडा छन् ।

कतिपय स्थानमा मित्रवत् प्रतिस्पर्धा गर्नेगरी बाँकी ठाउँमा गठबन्धनका साझा उम्मेदवार तय गरिएको शीर्ष नेताले शुक्रबार विज्ञप्तिमार्फत जनाएका छन् । गठबन्धनका सहमतिका उम्मेदवारको सूची सार्वजनिक गरेर केही ठाउँका विवाद छलफलबाट हल गर्ने तयारी भइरहेको नेताहरूले जनाएका छन् ।