बर्दियाको खैरापुर मतदान केन्द्रमा विस्फोट, मतदाताको भागदौड (भिडिओ)

रूपन्देही । बर्दियाको क्षेत्र नम्बर १ स्थित गुलेरिया २ को नेरा सम्भुशरणा प्रावि खैरापुर मतदान केन्द्रमा विस्फोट भएपछि मतदान रोकिएको छ ।

मतदान सुरू भएको केही समयमै सो स्कूलको छतमा राखिएको बम विस्फोट भएको पत्रकार यज्ञप्रसाद सापकोटाले जानकारी दिए ।

मतदान केन्द्र रहेको स्कूल भवनमाथि विस्फोट भएपछि मतदाताको भागाभाग भएको छ । भागदौडमा एकजना वृद्व लडेका थिए । अन्य क्षतिको जानकारी आएको छैन । अहिले त्यसक्षेत्रमा बाक्लोरूपमा सुरक्षाकर्मी परिचालन गरिएको छ ।

स्थानीय प्रशासनले समन्वय गरिरहेको जनाएको छ ।