करिब ५ हजार गणना बाँकी हुँदा ज्ञानेन्द्र कार्कीसँग एमालेका जगदीश ९५ मतले पछाडि
नेपाल प्रेस
२०७९ मंसिर १४ गते २०:५०
काठमाडौं । सबैको ध्यान खिचेको सुनसरी ४ मा अब करिब ५ हजार मत गन्न बाँकी छ । ताजा परिणामअनुसार यहाँ कांग्रेस उम्मेदवार सञ्चारमन्त्री ज्ञानेन्द्रबहादुर कार्कीले झिनो मतले लिड गरिरहेका छन् ।
आजै रातिसम्म नतिजा सार्वजनिक गर्ने गरी मुख्य निर्वाचन अधिकृतको कार्यालयको गणक टोलीले काम गरिरहेको छ ।
कार्कीले २८१६६ मत प्राप्त गरेका छन् । एमालेका जगदीशप्रसाद कुशियैत २८०७१ मत ल्याएर पछ्याइरहेका छन् । दुईजनाबीचको मतान्तर ९५ छ ।
बिहानको करिब साढे ३ सयबाट कुसियैतले मतान्तर घटाउँदै लगाएका हुन् ।
भर्खरै कोशी ६ र बराह १० को गणना सुरू गरिएको छ ।
नेपाल प्रेस
प्रकाशित: २०७९ मंसिर १४ गते २०:५०
प्रतिक्रिया
सम्बन्धित खवर
