धनुषामा जन्ती बोकेको जीप दुर्घटना हुँदा ५ जनाको मृत्यु, ९ घाइते (भिडिओ)

जनकपुरधाम । पूर्व पश्चिम राजमार्ग अन्तर्गत धनुषाको बिरेन्द्रबजारमा जन्ती बोकेको जीप दुर्घटना हुँदा ५ जनाको मृत्यु भएकाे छ भने  ९ जना घाइते भएका छन् ।

ईटहरीबाट जन्ती बोकेर महोत्तरीको पिपरा गाउँपालिकाको गमहरिया फर्किने क्रममा  बा.१ ज. ८२९३ नम्बरको जीप ज १ च १४९६ नम्बरको पिकअप भ्यान‌सँग आपसमा ठोकिएर दुर्घटना हुँदा ११ वर्षीय बालकसहित ५ जनाको मृत्यु भएको हाे ।

मृत्यु हुनेमा  मुखियापट्टी मुसहरिनिया तुल्सियाहीकी ३५ वर्षीया रुवी साह, महोत्तरी पिपरा गाउँपालिका २ का ११ वर्षीय एस कुमार साह, रामगोपालपुर नगरपालिका ससौलाका दुई दिदिबहिनी १३ वर्षीया सृजन साह र १८ वर्षीया मञ्जु साह र गाडी चालक धनुषाको धनौजी गाउँपालिका ४ का २५ वर्षका अब्दुल मन्सुर छन् ।

दुर्घटनामा घाइतेहरुलाई जनकपुरधामस्थित प्रादेशिक अस्पताल ल्याइएको छ । उनीहरुको अबस्था सामान्य रहेको धनुषाका एसपी बसन्त रजौरेले जानकारी दिए ।