कोरोनाको नयाँ भेरियन्टको जोखिम बढ्यो, स्वास्थ्य मन्त्रालयले गर्यो यस्तो आग्रह
नेपाल प्रेस
२०७९ पुष ७ गते १७:४८
काठमाडौं । स्वास्थ्य मन्त्रालयले कोरोनाभाइरसको नयाँ भेरियन्टको जोखिम बढेको भन्दै सजग हुन आग्रह गरेको छ ।
मन्त्रालयलका सहप्रवक्ता डा. समीरकुमार अधिकारीले एक विज्ञप्ति जारी गर्दै छिमेकी मुलुकहरुमा पछिल्लो समय संक्रमण तीव्र बनिरहेको अवस्थामा नेपालमा पनि नयाँ भेरियन्ट पुष्टि भएको भन्दै सचेत हुन आग्रह गरेका हुन् ।
यद्यपी, छिमेकी मुलुकहरुमा पुष्टि भएका बीएफ ७ भेरियन्ट हालसम्म नेपालमा पुष्टि नभएको विज्ञप्तिमा भनिएको छ । कोभिड १९ को जोखिमलाई ध्यानमा राख्दै मन्त्रालयले मास्क लगाउन, भौतिक दूरी कायम राख्न तथा व्यक्तिगत सरसफाइमा विशेष ध्यान दिन सबैमा अनुरोध गरेको छ ।
विज्ञप्तिः
नेपाल प्रेस
प्रकाशित: २०७९ पुष ७ गते १७:४८
प्रतिक्रिया
सम्बन्धित खवर
