संसदीय दलको नेता भएलगत्तै बालुवाटार पुगे प्रचण्ड
नेपाल प्रेस
२०७९ पुष ७ गते १८:०२
काठमाडौं । प्रधानमन्त्री तथा कांग्रेस संसदीय दलको नेता शेरबहादुर देउवालाई भेट्न नेकपा माओवादी केन्द्रका अध्यक्ष एवम् दलका नेता पुष्पकमल दाहाल ‘प्रचण्ड’ बालुवाटार पुगेका छन् ।
संसदीय दलको नेता चयन भएलगत्तै सरकार गठनको बिषयमा छलफल गर्न बालुवाटार पुगेका हुन् ।
गठबन्धनको दलबीच सरकार बनाउने सहमति बनेपनि नेतृत्व कसले गर्ने भन्ने टुंगिन सकेको छैन । देउवाले आफैं नेतृत्वमा सरकार गठन गर्ने पक्षमा उभिएपनि प्रचण्डले आलोपालो सहमतिको अनुसार अडान नछाड्ने पक्षमा छन् ।
सरकार गठनका लागि दलहरूलाई राष्ट्रपति विद्यादेवी भण्डारीले दिएको समय अब ३ दिन मात्र बाँकी छ ।
गठबन्धनमा प्रधानमन्त्रीसहित राष्ट्रपति, उपराष्ट्रपति, सभामुख, उपसभामुख, मुख्यमन्त्रीसहित मुख्य संवैधानिक पदमा प्याकेजमा भागवण्डा मिलाउने प्रयास भइरहेको छ ।
नेपाल प्रेस
प्रकाशित: २०७९ पुष ७ गते १८:०२
प्रतिक्रिया
सम्बन्धित खवर
