शीर्ष स्थाानमा सातदोबाटोलाई ३ अंकको अग्रता

काठमाडौं । शहीद स्मारक ‘बी’ डिभिजन लिगमा सातदोबाटो युथ क्लबले खुमलटार युथ क्लबलाई ३–२ गोलले पराजित गरेको छ ।

सातदोबाटोस्थित एन्फा कम्प्लेक्समा शुक्रबार भएको खेलमा दोर्जे तामाङले ११औं मिनेटमा गोल गर्दै सातदोबाटोलाई अग्रता दिलाएका थिए । प्रतिस्पर्धात्मक खेलको २६औं मिनेमा खुमलटारका लागि बराबरी गोल गरे ।

पहिलो हाफ १–१ गोलको बराबरीमा टुङ्गििएको खेल दोस्रो हाफमा रोमाञ्चक बनेको थियो । दोस्रो हाफको तेस्रो मिनेट मै आदिल हमिदले गोल गर्दै खुमलटारलाई २–१ को अग्रता दिलाएका थिए । तर, गोल खाएसँगै आक्रमक बनेको सातदोबाटेका लागि आशिष लामाले ६१औं मिनेटमा बराबरी गोल फर्काए । त्यसको १३
मिनेट नबित्दै भुवन बस्नेतले गोल गर्दै सातदोबाटोका लागि ३–२ को जित सुनिश्चित गरे ।

जितसँगै सातदोबाटो ७ खेलबाट १९ अंकसहित लिग तालिकाको शीर्ष स्थानमा छ भने खुमलटार ७ खेलबाट १६ अंकसहित लिग तालिकाको दोस्रो स्थानमा छ ।