अष्ट्रेलियाका उत्कृष्ट १०० ‘मोर्गेज ब्रोकर’को सूचीमा नेपालका मोहित पनि समावेश

काठमाडौं । नेपालका मोहित लाल प्रधान अष्ट्रेलियाका उत्कृष्ट १०० जना ‘मोर्गेज ब्रोकर’को सूचीमा पर्न सफल भएका छन् । अष्ट्रेलियाको प्रसिद्ध म्यागेज्न ‘मेपिए’ ले वर्षेनी सार्वजनिक गर्दै आएको उत्कृष्ट १००‘म्रोगेज ब्रोकर’ को सूचीमा पर्ने मोहित पहिलो नेपाली हुन् ।

पछिल्लो लामो समय देखि अष्ट्रेलियाको‘रियल स्टेट’क्षेत्रमा कार्यरत मोहित विगत ५ वर्षदेखि ‘होम लोन एक्स्पर्ट’ को रुपमा कार्यरत छन् । उत्कृष्ट ‘मोग्रेज ब्रोकर’ २०२२ को सूचीमा समावेश भएका प्रधान यस अघि पनि ‘बेस्ट रेसिडेन्सियल ब्रोकर अवार्ड २०२१’ , ‘एम्पिए म्यागेजिन योङ गन्स २०१९’ लगायतका अन्य अवार्डबाट पनि सम्मानित भइसकेका छन् ।

रियल स्टेट क्षेत्रमा तुलनात्मक रुपले गार्हो मानिने इन्भेस्टमेन्ट लेन्डिङ, पोर्टफोलिओ लेन्डिङ , लो (डिपोजिट लोन तथा एलएमआई होम लोन आदीमामा प्रधानको विज्ञता रहेको छ ।