१९ केजी सुनको बेल्ट लगाएर आएका थिए सुडानी युवक

काठमाडौं । त्रिभुवन अन्तराष्ट्रिय विमानस्थलको भन्सार कार्यालयबाट सुनको पेटी (बेल्ट)सहित सुडानी युवक पक्राउ परेका छन् ।

दुवईको फ्लाइटबाट आएका सुडानी युवकलाई आज दिउँसो २ बजेर १५ मिनेट विमानस्थालमा भन्सारको टोलीले १९ केजी सुनको बेल्टसहित पक्राउ गरेको हो ।

पक्राउ परेका २७ वर्षीय सुडानी युवकले १९ केजी सुनको पेटी बनाइ लगाएर आएका थिए । सुडानी युवकले १९ केजीको सुनको पेटी बनाएर ल्याएको भन्सार कार्यालयका भन्सार अधिकृत अम्विकाप्रसाद खनालले बताए ।

उनले नेपालप्रेससँग  भने, ‘बेल्ट जस्तो बनाएर सुडानी नागरिकले १९ केजी सुन ल्याएका रहेछन् । हेर्दा पहेलो र गरु भएकाले सुन नै हो भन्न सकिन्छ । प्रक्रिया अनुसार हामीले अब ल्यावमा चेक गर्ने छौं।’