‘ब्युटी पेजेन्ट अफ दी इयर’को उपाधि मिस युनिभर्स नेपाललाई

काठमाडौं । मिस युनिभर्स नेपालले वर्ष २०२० को ब्युटी पेजेन्ट अफ दी इयर अवार्ड जितेको छ । राजधानीमा आयोजित एक समारोहमा पेजेन्टकी नेपाल निर्देशक नग्मा श्रेष्ठले ट्रफी ग्रहण गरिन् ।

अवार्ड प्राप्त गर्दै पूर्व मिस नेपाल युनिभर्स समेत रहेकी श्रेष्ठले मिस युनिभर्सको आउँदो विश्व प्रतिस्पर्धामा नेपाल बलियो दाबेदार रहेको बताइन् । ‘नेपालले मिस युनिभर्सको फाइनल जित्दैछ’ उनले भनिन् ।’

ड्रीम सर्च एजेन्सीले सातौं वर्षगाँठको अवसरमा अवार्ड आयोजना गरेको हो । यसैवर्षदेखि मिस युनिभर्स नेपालले टाइटल सुरु गरेको हो । यसअघि यो लाइसेन्स मिस नेपाल आयोजक हिडन ट्रेजरसँग थियो ।

अनिष्का शर्मा मिस नेपाल युनिभर्स २०२० की विजेता बनेकी थिइन् ।