प्रभु क्यापिटलले ल्यायो बीमासहितको ‘९९९ आजीवन डिम्याट खाता’ योजना
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/01/Prabhu-Capital.jpg)
काठमाडौँ । प्रभु क्यापिटलले ‘प्रभु क्यापिटलको ९९९ आजीवन डिम्याट खोलौ तथा बीमाको समेत सुरक्षा पाऔं’ भन्ने स्लोगनसहित ‘९९९ आजीवन डिम्याट खाता’ योजना सार्वजनिक गरेको छ ।
डिम्याट खाता प्रत्येक वर्ष नविकरण गर्नुपर्ने समस्याको हल स्वरुप प्रभु क्यापिटलले यो योजना ल्याएको हो ।
योजनामा हितग्राहीले एक पटक ९९९ रुपैयाँ शुल्क तिरेर क्यापिटलबाट आजीवन डिम्याट नवीकरणको सुविधा पाउनुका साथै निजले १ वर्षको अवधिमा १ लाख बराबरको दुर्घटना बिमा पाउने क्यापिटलले जनाएको छ । उक्त योजना नयाँ तथा पुराना सबै ग्राहकहरुमा मान्य हुनेछ ।
देश विदेशमा रहने नेपालीहरुले स्वयम् उपस्थित रहेर खाता खोल्नुका साथै वेबसाइट तथा मोबाइल एपबाटै अनलाईन डिम्याट गरी भिडियो केवाइसि सहितको डिम्याट खाता आफू रहेको ठाउँबाटै खोल्न सक्ने क्यापिटलले जनाएको छ । यसमा व्यक्तिले अनलाईन रिक्वेस्ट गर्दा ‘भिडिओ केवाइसी’ वा ‘एन एप भेरिफीकेसन’ छनौट गरी आफ्नो अनुकूलता अनुसार तुरुन्तै अनलाईन डिम्याट खाता खोल्न सक्नेछन् ।