वामपन्थी एकताका लागि माओवादीले पनि बनायो वार्ता कार्यदल

काठमाडौं । नेकपा माओवादी केन्द्रले वामपन्थी पार्टी र समूहबीच एकताका लागि वार्ता र छलफल गर्न कार्यदल गठन गरेको छ ।

पार्टी पदाधिकारीको शनिवार बसेको बैठकले उपाध्यक्ष कृष्णबहादुर महराको नेतृत्वमा पाँच सदस्यीय कार्यदल गठन गरेको हो ।

कार्यदलमा महासचिव देव गुरुङसहित जनार्दन शर्मा, शक्ति बस्नेत र गिरिराजमणी पोखरेल सदस्य रहेको गुरुङले नेपाल प्रेसलाई बताए । यो कार्यदलले नेकपा एससहितका दलसँग छलफल गर्नेछ ।

यसअघि नेकपा एस र जसपाले पनि कार्यदल गठन गरेका थिए ।

बाबुराम भट्टराई नेतृत्वको नेपाल समाजवादी पार्टीसँग पनि एकताको लागि माओवादी केन्द्रले छलफल गरेको छ । नेसपाले माओवादीकै चुनाव चिन्हबाट भाग लिएको थियो ।