कर्णालीको मुख्यमन्त्रीका लागि माओवादीका शर्माको दाबी
नेपाल प्रेस
२०७९ पुष २७ गते १६:५२
सुर्खेत । कर्णाली प्रदेशको तेस्रो मुख्यमन्त्रीमा नेकपा माओवादी केन्द्रका राजकुमार शर्माले दाबी पेश गरेका छन् । २५ सांसदको हस्ताक्षरसहित उनले प्रदेश प्रमुख तिलक परियार समक्ष दाबी पेश गरेका हुन् ।
सातदलीय गठबन्धनको शीर्ष तहमा कर्णालीको मुख्यमन्त्री माओवादीलाई एकलौटी दिने निर्णय भएपनि प्रदेशस्तरमा एमालेसँग आलोपालो गर्ने सहमति भएपछि मुख्यमन्त्रीको दाबी पेश गरिएको हो ।
शर्मालाई मुख्यमन्त्री नियुक्तिका लागि माओवादी केन्द्रका १३, एमालेका १० र राप्रपाका १ गरी २५ सांसदले समर्थन गरेका छन् ।
माओवादी पोलिटव्युरो सदस्य रहेका शर्मा रुकुमपश्चिम प्रदेशसभा (२) बाट निर्वाचित भएका हुन् ।
प्रतिक्रिया