सुर्खेतमा ब्राउन सुगरसहित एकजना पक्राउ

सुर्खेत । सुर्खेतको वीरेन्द्रनगरबाट लागुऔषध ब्राउन सुगरसहित एकजना पक्राउ परेका छन् । प्रहरीले बुधबार वीरेन्द्रनगर–१० एकान्त नगर टोलबाट एक जनालाई प्रकाउ गरेको हो ।

कर्णाली प्रदेश लागू औषध ब्यूरो शाखा र जिल्ला प्रहरी कार्यालय सुर्खेतबाट खटिएको सयुक्त प्रहरी टोलीले वीरेन्द्रनगर–१० एकान्त नगर टोलबाट शंकाष्पद अवस्थामा हिडिरहेकोे समयमा जुम्ला चन्दनाथ नगरपालिका–५ का १८ वर्षीया सौरव श्रेष्ठलाई प्रकाउ हो । श्रेष्ठ वीरेन्द्रनगर–१० मा घरभाडामा बस्दै आएका छन् ।

उनलाई चेक जाँच गर्दा ७७० मिलिग्राम लागूऔषध (ब्राउन सुगर) जस्तो देखीने खैरो धुलो पदार्थ बरामद गरेको जिल्ला प्रहरी कार्यालय सुर्खेतले जानकारी दिएको छ ।

यस्तै, लागूऔषध ब्राउनसुगर जस्तो देखिने खैरो धुलो पदार्थको मुल्य ६६ हजार ७२० रहेको छ ।

उनको साथबाट एक डिजिटल तराजु, दुई स्क्रिन टच मोबाईल र एक सादा मोबाईल बरामद गरेको । यस्तै, मेगराज बि.क. लाई पनि नियन्त्रणमा लिई अनुसन्धान कार्य भईरहेको प्रहरीले जनाएको छ ।