प्रदेश १ को सभामुखमा माओवादीका बाबुराम निर्विरोध निर्वाचित (भिडिओ)
नेपाल प्रेस
२०७९ पुष २८ गते १२:०९
विराटनगर । प्रदेश १ को सभामुखमा बाबुराम गौतम निर्वाचित भएका छन । एकल उम्मेदवारी परेकाले उनी निर्विरोध निर्वाचित भएका हुन् । उनी ओखलढुंगा प्रदेशसभा २ बाट निर्वाचित माओवादी केन्द्रका सांसद हुन् ।
कांग्रेसले मनोनयन दर्ता नगरेको यस प्रदेशमा सत्तागठबन्धनबाट गौतमको एकल उम्मेदवारी परेको थियो । आजै दिउँसो १ बजे गौतमले शपथ लिनेछन् ।
ज्येष्ठ सदस्य गयानन्द मण्डलले एकल उम्मेदवार परेकाले निर्विरोध निर्वाचित भएको घोषणा गरेका छन् ।
प्रदेश १ को पहिलो कार्यकालमा एमाले सांसद प्रदीपकुमार भण्डारी सभामुख बनेका थिए ।
उपसभामुखको निर्वाचन भने पुस ३० गतेका लागि तोकिएको छ । सत्तारुढ गठबन्धनबिच भागबन्डा गर्दा प्रदेश १ को मुख्यमन्त्री र उपसभामुख नेकपा एमालेको भागमा परेको छ ।
नेपाल प्रेस
प्रकाशित: २०७९ पुष २८ गते १२:०९
प्रतिक्रिया
सम्बन्धित खवर
