सभामुख-उपसभामुख चुनावबारे कांग्रेसले अन्य दलसँग छलफल गर्ने
नेपाल प्रेस
२०७९ पुष २८ गते १६:४२
काठमाडौं । नेपाली कांग्रेसले सभामुख र उपसभामुखको निर्वाचनको लागि अन्य दलसँग छलफल गर्ने निर्णय गरेको छ ।
पार्टी सभापति शेरबहादुर देउवा निवास धुम्बाराहीमा बसेको पदाधिकारी बैठकले सभामुख र उपसभामुख चुनावबारे सत्ताभित्र र बाहिरका दलसँग छलफल गर्ने निर्णय गरेको सहमहामन्त्री बन्द्री पाण्डेले बताए ।
स्ववियु निर्वाचन पनि आएकाले नेविसंघ र तरुण दललगायत भ्रातृ संस्थालाई पूर्णता दिनेबारे पनि छलफल भएको पाण्डेले जानकारी दिए ।
प्रतिनिधिसभामा सभामुख चयनका लागि माघ ५ गते निर्वाचन मिति तय गरिसकिएको छ । सातदलीय गठबन्धनमा सभामुख एमालेलाई दिने सहमति भइसकेको छ ।
नेपाल प्रेस
प्रकाशित: २०७९ पुष २८ गते १६:४२
प्रतिक्रिया
सम्बन्धित खवर
