प्रधानमन्त्रीको टोली पोखरा जाने कार्यक्रम रद्द (भिडिओ)
नेपाल प्रेस
२०७९ माघ १ गते १४:५९
काठमाडौं । प्रधानमत्री पुष्पकमल दाहाल ‘प्रचण्ड’ को पोखरा जाने कार्यक्रम स्थगित भएको छ ।
विमान दुर्घटनास्थलको अवलोकनका लागि प्रचण्ड र गृहमन्त्री रवि लामिछाने पोखरा जाने तयारी गरेका थिए ।
गृहमन्त्री लामिछानेले प्रधानमन्त्री जाँदा भिड नियन्त्रण गर्न झन् कठिन हुन सक्ने आँकलन गरी कार्यक्रम स्थगित गरिएको बताए । प्रधानमन्त्रीलाई लैजान सेनाको हेलिकोप्टरसमेत बालुवाटार ल्याइसकिएको थियो ।
लामिछानेले भने, ‘सबैले आ-आफ्नो ठाउँबाट गर्नुपर्ने कुराहरु यहाँबाट गरिरहनुभएको छ । त्यहाँ जाँदा झन् असहजता र भिडभाड होला भनेर भ्रमण रद्द गरिएको हो ।’
नेपाल प्रेस
प्रकाशित: २०७९ माघ १ गते १४:५९
प्रतिक्रिया
सम्बन्धित खवर
