चोभारको पुलबाट वागमतीमा कार खस्दा दुईजना बेपत्ता

काठमाडौं । काठमाडौंको चोभारस्थित पुलबाट वागमती नदीमा कार खस्दा दुईजना बेपत्ता भएका छन् ।

दुर्घटनामा एकजना महिला घाइते भएकी छन् । उनको साथबाट अम्बिका लामिछाने नाम गरेको आइडी कार्ड भेटिएको काठमाडौंका एसपी दिनेशराज मैनालीले नेपाल प्रेसलाई जानकारी दिए । घाइते महिलाको ललितपुरको वयोधा हस्पिटलमा उपचार भइरहेको मैनालीले जनाए ।

कारमा तीनजना रहेको प्रहरीको अनुमान छ । बेपत्ताहरुकाे खोजी कार्य भइरहेको उनले बताए ।