स्रोत नखुलेको साढे २२ लाख रुपैयाँसहित वीरगन्जबाट २ जना पक्राउ

काठमाडौं। प्रहरीले वीरगन्जबाट साढे २२ लाख रुपैयाँसहित दुई जनालाई पक्राउ गरेको छ।

उक्त रकमको स्रोत खुलाउन नसकेपछि हुन्डी कारोबारीको आशंकामा उनीहरुलाई पक्राउ गरिएको पर्सा प्रहरीले जनाएको छ।

पक्राउ पर्नेमा वीरगन्ज महानगरपालिका-१६ नगवाका ३४ वर्षीय विकाश शाह र सोही महानगरपालिका-१८ का १७ वर्षीय किशोर छन्।

घण्टाघरमा बीआर ०५ एई ९३४३ नम्बरको स्कुटरमा आइरहेको अवस्थामा प्रहरीले रोकेर खानतलासी गरेको थियो।