सोल्टी होटलमा दुबई बिजनेस एक्स्पो गर्ने ५ जना पक्राउ

काठमाडौं । सोल्टी होटलमा दुबई बिजनेस एक्स्पो गर्ने ५ जना पक्राउ परेका छन् । काठमाडौं जिल्ला प्रहरी कार्यालयको टोलीले उनीहरुलाई पक्राउ गरेको हो ।

दुबईमा जग्गा खरिद गर्ने नाममा एक्स्पो गर्नेलाई पक्राउ गरिएको प्रहरीले जनाएको छ । पक्राउ पर्नेमा सबै भारतीय नागरिक रहेका छन् । उनीहरुविरुद्ध विदेशमा लगानी गर्न प्रतिबन्ध लगाउने ऐन २०२१ कसुरअन्तर्गत अनुसन्धान भइरहेको प्रहरीले जनाएको छ ।

एक्स्पोमाथि प्रहरीले आइतबार हस्तक्षेप गरेको थियो । पक्राउ पर्ने दमाक प्रोपर्टिज, दुबईका सन्चालक हुन् । उनीहरुले दुबईमा घर जग्गा बिक्री गर्ने गरेको र त्यसका लागि नेपालमा समेत बुकिङ गर्ने गरी एक्स्पो गरेको पाइएको प्रहरीको भनाइ छ ।