बार्सिलोनालाई शीर्ष स्थानमा ८ अंकको अग्रता, रियल मार्लोकासँग हार्यो
नेपाल प्रेस
२०७९ माघ २३ गते ७:३६
काठमाडौं । स्पेनिस ला लिगामा सेभियालाई ३(० गोलको नतिजामा पराजित गर्दै बार्सिलोनाले शीर्ष स्थानमा ८ अंकको अग्रता बनाएको छ ।
आइतबार राति सम्पन्न खेलमा बार्सिलोनमलाई जित दिलाउन खेलको दोस्रो हाफमा जोर्डी आल्भा, गाभी र राफिन्हाले गोल गरे ।
आइतबार सम्पन्न अर्को खेलमा आत्माघाती गोल उपहार दिँदै रियल मड्रिड मार्लोकासँग पराजित भएको छ ।
मड्रिडका नाचोले खेलको १३औँ मिनेटमा गरेको आत्मघाती गोलमा मार्लोका तीन अंक जोडेको थियो।
हारसँगै रियलले शीर्ष स्थानको बार्सिलोनासँगको अंक दुरी कम गर्ने मौका गुमाएको छ । भने, रियलको हारले बार्सिलोनालाई उपाधि यात्रा थप सहज बनेको छ ।
दोस्रो स्थानको रियलले २० खेलमा ४५ अंक जोडेको छ ।
बार्सिलोना ५० अंक जोडेर शीर्ष स्थानमा रहेको छ ।
मार्लोका २८ अंक जोडेर दशौँ स्थानमा रहेको छ ।
नेपाल प्रेस
प्रकाशित: २०७९ माघ २३ गते ७:३६
प्रतिक्रिया
सम्बन्धित खवर
