सिरियाको दर्दनाक भूकम्प पीडा : सालनालमै बच्चाको उद्दार, आमाको मृत्यु

काठमाडौ । टर्की र सिरियामा आएको भूकम्पमा परेर पुरिएको अवस्थामा जन्मिएका सिरियाका एक बालकको जिउँदै उद्दार गरिएको छ । टर्कीको विश्व च्यानल टिआरटी वर्ल्डका अनुसार उद्दार गरिएका बच्चालाई सालनालसँगै उद्दार गरिएको हो ।

बच्चाको आमा र अरु परिवारका सदस्यहरुको भने ज्यान गएको छ । सिरियाको बिद्रोहीले कब्जा गरेको सहर जिन्देरिसमा यो घटना भएको हो ।

मृत आमासँग सालनाल जोडिएकै अवस्थामा सोमबार बच्चाको उद्दार भएको हो । सिरियामा भूकम्पबाट १९०० हाराहारीको मृत्यु पुष्टि भएको टर्कीस मिडियाले उल्लेख गरेको छ ।