टर्की भूकम्प : १४० घण्टापछि १३ वर्षकी बालिका जीवितै उद्धार
नेपाल प्रेस
२०७९ माघ २९ गते ९:२८
काठमाडाैं । टर्कीको भूकम्पमा एक पछि अर्को जादुमयी उद्धार भएका छन् ।
केहि दिन अगाडि मृत आमासँग सालनाल जोडिएर पनि बाँचेका बालिकाको उद्दा भएको थियो । पछिल्लो समयमा १४० घण्टापछि १३ वर्षकी बालिकाको जीवितै उद्धार गरिएको छ ।
टर्कीको विश्व च्यानल टिआरटी वर्ल्डका अनुसार टर्कीको गाजिआन्तेप प्रान्तमा भूकम्पमा पुरिएको १४० घण्टापछि बालिकाको उद्धार गरिएको हो । भूकम्पले लडेको घरमा पुरिएको अवस्थामा बालिका भेटिएकी थिइन ।
यस्तै टर्कीको आन्ताक्य सहरमा दुई महिनाका बालकलाई भूकम्प आएको १२८ घण्टापछि उद्धार गरिएको छ ।
सोमबार टर्की र सिरिया क्षेत्रमा गएको भूकम्पमा परेर टर्कीमा मात्रै २५ हजार हाराहारीको ज्यान गएको छ भने ८० हजार भन्दा बढी घाइते भएको टिआरटी वर्ल्डले उल्लेख गरेको छ ।
नेपाल प्रेस
प्रकाशित: २०७९ माघ २९ गते ९:२८
प्रतिक्रिया
सम्बन्धित खवर
