एन्फाले पहिलो पटक फुटबल एक्स्पो गर्ने
नेपाल प्रेस
२०७९ माघ २९ गते १२:४७
काठमाडौं । अखिल नेपाल फुटबल संघ (एन्फा) ले पहिलो पटक फुटबल एक्स्पो आयोजना गर्ने भएको छ ।
आइतबार कार्यक्रम आयोजना गर्दै फागुन ४ र ५ गते एन्फा कम्प्लेक्स सातदोबाटोमा एक्स्पो आयोजना हुने एन्फाले जानकारी गराएको हो ।
उक्त एक्स्पोको मुख्य उद्देश्य ए,बी र सी डिभिजन क्लबहरू, एन्फा र नेपालका विभिन्न कर्पोरेट हाउसहरूबीचको सम्बन्ध बिस्तार गर्नु हो ।
एक्सपोमा डिभिजा क्लबहरूले स्टल राखेर आ-आफ्नो क्लबसँग सम्बन्धित जर्सीहरू, आफूले जितेको ट्रफी र क्लबका बारेमा जानकारीहरू गराउन पाउनेछन् । यस्तै, विभिन्न कलाकारहरूको प्रस्तुति पनि रहनेछ भने, फुटबलसँग सम्बन्धित अन्तरक्रिया कार्यक्रम हुनेछ ।
नेपाल प्रेस
प्रकाशित: २०७९ माघ २९ गते १२:४७
प्रतिक्रिया
सम्बन्धित खवर
