जाजरकोटमा ट्याक्टरले किचेर एक जनाको मृत्यु

सुर्खेत । जाजरकोटमा ट्याक्टरले किचेर एक जनाको मृत्यु भएको छ । मृत्यु हुनेमा जाजरकोटको कुशे गाउँपालिका-५ दम्दलाका ६० वर्षीय खड्क थापा रहेका छन् ।

उनी प्यारालाइसिसका बिरामी रहेको कर्णाली प्रदेश प्रहरी कार्यालयले जनाएको छ । उनलाई सदरमुकाम खलंगाबाट दम्दलातर्फ जाँदै गरेको भे २ त ३०९ नम्बरको ट्याक्टरले किचेको थियो ।

प्रदेश प्रहरी कार्यालयका अनुसार मृतक थापा चालक सँगैको सिटमा बसेका थिए । उनी एक्कासि खसेको र सोही ट्याक्टरले किचेर मृत्यु भएको प्रदेश प्रहरीले जनाएको छ ।

ट्याक्टर चालक ३१ वर्षीय जीतबहादुर नेपालीलाई प्रहरीले नियन्त्रणमा लिएको छ ।