ज्योति लाइफ इन्स्योरेन्सको आईपीओमा भोलिबाट आवेदन दिन सकिने

काठमाडौं । ज्योति लाइफ इन्स्योरेन्स कम्पनीले भोलि शुक्रबारबाट आईपीओ सार्वजनिक गर्ने भएको छ । कम्पनीले कुल ६६ लाख कित्तामध्ये सर्वसाधारणका लागि ५९ लाख ४० हजार कित्ता छुट्याएको छ ।

कुल कित्तामध्ये ५ प्रतिशत कर्मचारी र ५ प्रतिशत सामूहिक लगानी कोषका लागि सुरक्षित राखेको छ । आइपीओ छिटोमा फागुन २६ गते र ढिलोमा चैत ६ गतेसम्म बिक्रीमा रहनेछ ।

यो आईपीओ खरीदका लागि न्यूनतम १० कित्तादेखि अधिकतम ६६ हजार कित्तासम्म आवेदन दिन सकिने व्यवस्था छ ।

आईपीओ विक्री प्रबन्धकमा एनएमबि क्यापिटल लिमिटेड रहेको छ । विक्री प्रबन्धकसँगै आस्बा सेवा सहभागी सम्पूर्ण बैंक तथा वित्तीय संस्था र तिनका शाखा कार्यालयसँगै मेरो शेयरबाट पनि आवेदन दिन सकिनेछ ।

यसअघि कम्पनीले फागुन २३ गतेदेखि विक्री खुला गर्ने मिति तय गरेको भए पनि  दुई दिन अघि नै विक्री खुला गर्ने भएको हो ।

कम्पनीको यस आईपीओलाई केयर रेटिङले वित्तीय दायित्व समयमै पूरा गर्ने सम्बन्धमा मध्यम सुरक्षित अवस्थाको संकेत गर्ने केयर एनपी त्रिपल बि इस्यूअर रेटिङ प्रदान गरेको छ ।