नायक धिरज मगर अभिनित ‘ज्याकीः आई एम ट्वान्टी वान’को फस्टलुक सार्वजनिक

काठमाडौं । आईकोर फिल्मस्को ब्यानरमा निर्माण भएको चलचित्र ‘ज्याकी : आई एम ट्वान्टी वान’को प्रदर्शन मिति घोषणासँगै फस्टलुक भिडियो सार्वजनिक गरिएको छ । चलचित्रको फस्टलुक भिडियोमा नायक धिरज मगरको मात्र अनुहार देखाइएको छ ।

चलचित्रमा जसिता गुरुङ र अरुण क्षेत्रीको मुख्य भूमिका भए तापनि फस्टलुकमा धिरजको मात्रै तस्विर प्रयोग गरिएको छ ।

सार्वजनिक फस्टलुक भिडियोमा धिरज मगरलाई एक डान्सरको भूमिकामा देखाइएको छ । निर्माण पक्षले यो चलचित्रलाई ‘डान्स ड्रामा’को रुपमा चित्रण गरेको छ ।

‘ज्याकीः आई एम ट्वान्टी वान’लाई २०८० सालको बैशाख २१ गते रिलिज गर्ने तयारी छ ।

प्रभु शमशेर जबरा र प्रज्ज्वल शमशेर जबराको निर्माणमा तयार भएको चलचित्रलाई रेनशा वान्तवा राईले निर्देशन गरेकी हुन् । रेनशाले निर्देशन गरेको पहिलो फिल्म ‘इन्टु मिन्टु लण्डनमा’ले बक्स अफिसमा राम्रो व्यापार गरेको थियो ।

फिल्ममा रोहित शाक्य र कालीप्रसाद बाँस्कोटाको संगीत, सुशन प्रजापतिको छायांकन र द वाइल्ड रिप्पर्ज क्रुको कोरियोग्राफी रहेको छ ।