‘मेरो भ्वाइस युनिभर्स र मेरो डान्स युनिभर्स’को अडिसन हुँदै

काठमाडौं । इन्ट्रा नेशनल वेलफेयर एण्ड सपोर्ट फाउन्डेसन अफ अमेरिकाको आयोजनामा पहिलो अन्तर्राष्ट्रिय नेपाली रियालिटी शो ‘मेरो भ्वाइस युनिभर्स र मेरो डान्स युनिभर्स’को फिल्ड अडिसन बुधबार सुरु हुने भएको छ ।

फाउन्डेसनका अनुसार अडिसन बुधबार बुटवल र सिलिगुरीमा यही फागुन १४ र १५ गते हुनेछ । दमकमा फागुन २० र २१ तथन काठमाडौंमा फागुन २७ र २८ गते हुनेछ । यी दुवै कार्यक्रमको फिल्ड अडिसन नेपालकन विभिन्न शहर र भारतको सिलिगुरीमा हुने फाउन्डेसनले जनाएको छ ।

‘मेरो भ्वाइस युनिभर्स’ को निर्णायक मण्डलमा सुरेश अधिकारी, शिव परियार, अन्जु पन्त, सुजाता वर्मा, पुष्पन प्रधान जस्ता वरिष्ठ गायक समावेश हुनेछन् । साथै ‘मेरो डान्स युनिभर्स’को निर्णायक मण्डलमा भने मिथिला शर्मा, दिलीप रायमाझी, शंकर बीसी, केकी अधिकारी, प्रियंका कार्की र नरमन राई हुने फाउन्डेसनले जनाएको छ ।

‘मेरो भ्वाइस युनिभर्स’ का विजेताले एक करोड रुपैयाँ पुरस्कार पाउनेछन् । फस्ट रनरअपले ३० लाख र सेकेन्ड रनरअपले २० लाख रुपैयाँ पुरस्कार पाउनेछन् ।

‘मेरो डान्स युनिभर्स’का विजेताले पनि एक करोड रुपैयाँ पुरस्कार पाउनेछन् । फस्ट रनरअपले ३० लाख र सेकेन्ड रनरअपले २० लाख रुपैयाँ पुरस्कार पाउनेछन् ।

डान्स युनिभर्स’को सांस्कृतिक समूह विधाको विजेताले २० लाख रुपैयाँ पुरस्कार पाउनेछन् । फस्ट रनरअपले १० लाख र सेकेन्ड रनरअपले ५ लाख रुपैयाँ पुरस्कार पाउनेछन् ।