पल शाहको पर्खाइमा रहेको भिडले एयरपोर्टको आन्तरिक टर्मिनल अस्तव्यस्त, केहीबेर सटल बस अवरुद्ध
२०७९ फागुन १६ गते १३:२२
काठमाडौं । अभिनेता पल शाह काठमाडौं आउने प्रतीक्षामा त्रिभुवन विमानस्थलमा भिडभाड बढेको छ । अत्यधिक संख्यामा पलका समर्थक, युट्यूबर र सञ्चारकर्मीको भिड लाग्दा एयरपोर्टबाहिरको वातावरण अस्तव्यस्त बनेको छ ।
अस्ति जेलबाट छुटेका पल शाह आज पोखराबाट काठमाडौं आउन लागेका हुन् । उनी त्रिभुवन विमानस्थलबाट बाहिरिएको दृष्य कैद गर्न सयौँको संख्यामा युट्युवर र सञ्चारकर्मीको उपस्थिति छ ।
युट्यूबरहरुले पल शाहलाई चिन्ने जोकोहीसँग अन्तरवार्ता लिन क्यामरा तेस्र्याउँदा यात्रुको आवागमनमा समेत अवरोध पुगेको थियो ।
केहीबेर एयरपोर्टबाट यात्रु बाहिर ओसार्ने सटल बससमेत अवरुद्ध भयो । अहिले भिड पन्छाएर सटल बस सुचारु गरिएको छ ।
प्रकाशित: २०७९ फागुन १६ गते १३:२२
प्रतिक्रिया
सम्बन्धित खवर
