राष्ट्रपति निर्वाचनको नमुना मतपत्र सार्वजनिक, मतपत्रमा उम्मेदवारको फोटो पनि राखिने

काठमाडौँ । निर्वाचन आयोगले राष्ट्रपतिको निर्वाचनको लागि नमुना मतपत्र सार्वजनिक गरेको छ । फागुन २५ गते हुने राष्ट्रपति निर्वाचनको लागि आयोगले बिहीबार उम्मेदवारको फोटोसहितको मतपत्रको नमुना सार्वजनिक गरेको हो।

संघीय संसदका सदस्य र प्रदेश सभा सदस्यका लागि छुट्टाछुट्टै मतपत्र राखेको छ । मतपत्रमा राष्ट्रपति उम्मेदवारको फोटो पनि राखिएको निर्वाचन आयोगका प्रवक्तासमेत रहेका सहसचिव शालिग्राम पौडेलले नेपाल प्रेसलाई जानकारी दिए ।

नेपाली काँग्रेसका वरिष्ठ नेता रामचन्द्र पौडेल र नेकपा एमालेका उपाध्यक्ष सुवास नेम्वाङ राष्ट्रपतिका उम्मेदवार छन् । पौडेललाई नेकपा (माओवादी केन्द्र), नेकपा (एकीकृत समाजवादी) लगायत आठ दलले समर्थन रहेको छ भने नेम्वाङलाई भने अहिलेसम्म कसले समर्थन गर्छ भन्ने खुलेको छैन ।

संघीय संसदका सदस्यका लागि मतपत्र

प्रदेश सभा सदस्यका लागि मतपत्र