बानेश्वरमा ‘छक्का पञ्जा ४’ टीमको होली रमझम (तस्बिरहरू)

काठमाडौं । ‘छक्का पञ्जा ४’ टोलीले होली विशेष कार्यक्रम गरेको छ । नयाँ बानेश्वरमा सयौं दर्शकमाझ होली विशेष कार्यक्रम गरिएको हो । चलचित्रको प्रमोसनस्वरूप होली कार्यक्रम गरिएको हो ।

नयाँ बानेश्वर व्यापार व्यवसायी संघ र रेडियो अडियोको आयोजनामा ‘छक्का पञ्जा ४ सद्भाव होली’ कार्यक्रम राखिएको थियो । कार्यक्रममा दीपाश्री निरौला, निर्मल शर्मा, केदार घिमिरे, राज आचार्यलगायतका कलाकारहरूले सांगीतिक प्रस्तुति पस्किएका थिए ।

कलाकारहरूको प्रस्तुतिमा दर्शकहरूले पनि माहौल तताएका थिए ।

यही फागुन १९ गते शुक्रबारबाट देशभर ‘छक्कापञ्जा ४’ चलचित्र प्रदर्शन भइरहेको छ ।

हेमराज बिसीले निर्देशन गरेको फिल्ममा दीपकराज गिरी, दीपाश्री निरौला, बेनिशा हमाल, रमेश बुढाथोकी, बुद्धि तामाङ, केदार घिमिरे, निर्मल शर्मा, नीर शाह, अनुराग कुवँर, राज आचार्य लगायतका कलाकारहरुको मुख्य भूमिका रहेको छ ।