‘दुई नजर’मा पुष्प, केबिका र सुन्दरको अभिनय

काठमाडौँ । गायक सुरेन गौतम र गायिका विद्या तिवारीको स्वर रहेको दुई नजर बोलको गीतको भिडियो सार्वजनिक भएको छ । विष्णुहरि तिवारीको शब्द, विक्रम थापाको संगीत रहेको दुई नजरमा दिनेश श्रेष्ठको एरेन्ज रहेको छ ।

निर्देशक सुब्रतराज आचार्यको निर्देशनमा तयार भएको डान्सिङ शैलीको सार्वजनिक गीतमा नायक तथा मोडल पुष्प खड्का, केबिका खत्री र सुन्दर दासको अभिनय देख्न सकिन्छ ।

प्रेम, रोमान्सले भरिएको दुई नजरमा केबीका र पुष्प रोमान्टिक बनेका छन् । विष्णुहरि तिमल्सिनाको सम्पादन रहेको भिडियोको कोरियोग्राफी मोडल केबिकाले नै गरेकी हुन् ।

जसको छायांकन उत्सव दाहालले गरेका हुन् । गायक सुरेनकै अफिसियल च्यानलबाट बजारमा आएको सार्वजनिक गीतको भिडियो निर्माता सृजना श्रेष्ठ हुन् ।