उमेश निर्देशित ‘कतै म हराएँ कि’ मा टिकटक स्टार मिस पवी

काठमाडौं । ‘कतै म हराएँ कि’ बोलको गीतको भिडिओ रिलिज गरिएको छ । सुमन केसी र अनु चौधरीको युगल स्वर रहेको उक्त गीतमा विष्णु भण्डारीको शब्द, सरोज पोखरेलको संगीत रहेको छ । भिडिओमा टिकटक स्टार मिस पवी र उमेश भट्टको रोमान्टिक अभिनय देख्न सकिन्छ ।

एक प्रेमिल जोडीको रोमान्टिक प्रेम कहानीलाई निर्देशक उमेश भट्टले भिडिओमा उतारेका छन् । जसको कोरियोग्राफी राजिव समरले गरेका हुन् ।

सुप्रिम पराजुलीको सम्पादन, अनिल के मानन्धरको छायांकन रहेको गीतमा दिवेश राईको एरेन्ज, चन्द्र चौधरीको मिक्सिङ र मास्टरिङ रहेको छ । युवा उद्यमीसमेत रहेका मोडल उमेशले सान्बाबु, लुकिछिपी, लगायतका भिडिओमा अभिनय गरिसकेका छन् ।

उमेशले भोजपुरी फिल्म प्रेम गीतमा पनि शीर्ष भूमिकामा काम गरिसकेका छन् ।