उपराष्ट्रपतिबारे निर्णय लिन रास्वपाले बोलायो बैठक
नेपाल प्रेस
२०७९ चैत २ गते १२:३२
फाइल तस्बिर ।
काठमाडौं । राष्ट्रिय स्वतन्त्र पार्टी (रास्वपा) ले पार्टीको पदाधिकारी र संसदीय दलको संयुक्त बैठक बोलाएको छ । उपराष्ट्रपतिको निर्वाचनमा कसलाई मतदान गर्नेबारे निर्णय गर्न बैठक बोलाएको हो । यसअघि राष्ट्रपति चुनावमा रास्वपाले सत्ता गठबन्धनलाई साथ दिएको थियो ।
बैठक शुक्रबार बिहान साढे ११ बजे पार्टी कार्यालयमा बस्ने प्रवक्ता मुकुल ढकालले बताए ।
उनले भने, ‘बैठकमा पछिल्ला समसायिमक राजनीतिक घटनाक्रमबारे छलफल हुन्छ ।’
उपराष्ट्रपतिको निर्वाचन भोलि हुँदैछ । उपराष्ट्रपतिमा सत्ता गठबन्धनबाट रामसहाय यादव र ममता झा उम्मेदवार छन् । तर, झालाई उम्मेदवारी निष्क्रिय गराउने तीव्र प्रयास छ ।
एमालेबाट अष्टलक्ष्मी शाक्य उम्मेदवार छिन् ।
नेपाल प्रेस
प्रकाशित: २०७९ चैत २ गते १२:३२
प्रतिक्रिया
सम्बन्धित खवर
