यूएई विरुद्ध महँगा बने सन्दीप, एक ओभरमै खाए ४ छक्का
नेपाल प्रेस
२०७९ चैत २ गते १३:१५
काठमाडौं । यूएईविरुद्धको निर्णायक खेलमा नेपाली स्टार स्पिनर सन्दीप लामिछानेले महँगो बलिङ गरेका छन् । खेलको ४८ औँ ओभरमा उनलाई यूएईका आसिफ खानले लगातार ४ छक्का प्रहार गरे ।
१० ओभर बलिङ गर्दा सन्दीपले ८० रन खर्चिन पुगेका छन् । उनले यूएईका विस्फोटक ब्याट्सम्यान मुहम्मद वसिमलाई उनले आउट गरेका थिए । तर, त्यसपछि उनको बलिङ चल्न सकेन ।
सन्दीपसँग आज दुई विकेट लिएर विश्वकीर्तिमान रच्ने मौका थियो । त्यसमा उनी एक विकेटले चुके ।
४८ औँ ओभरको दोस्रो, तेस्रो, चौथो र पाँचौं बलमा आसिफबाट सन्दीपले छक्का खाएका हुन् । आज आसिफले नेपाली बलरहरूमाथि आगो ओकलिरहेका छन् ।
नेपाल प्रेस
प्रकाशित: २०७९ चैत २ गते १३:१५
प्रतिक्रिया
सम्बन्धित खवर
