उपराष्ट्रपतिमा रास्वपाको भोट कसलाई ? आज बैठक

काठमाडौं । राष्ट्रिय स्वतन्त्र पार्टी (रास्वपा) ले पार्टीको पदाधिकारी र संसदीय दलको संयुक्त बैठक डाकेको छ । उपराष्ट्रपतिको निर्वाचनमा कसलाई मतदान गर्नेबारे निर्णय गर्न बैठक तय गरिएको हो । यसअघि राष्ट्रपति चुनावमा रास्वपाले सत्ता गठबन्धनलाई साथ दिएको थियो ।

शुक्रबार बिहान साढे ११ बजे पार्टी कार्यालयमा बैठक बस्ने प्रवक्ता मुकुल ढकालले बताए । प्रतिनिधिसभामा प्रत्यक्ष र समानुपातिक गरी रास्वपाका १९ सांसद छन् ।

बैठकमा पछिल्ला समसायिमक राजनीतिक घटनाक्रमबारे पनि छलफल हुने बताइएको छ ।

उपराष्ट्रपतिको निर्वाचन आज हुँदैछ । सत्ता गठबन्धनबाट रामसहाय यादव र ममता झा उम्मेदवार छन् । तर, झालाई उम्मेदवारी निष्क्रिय गराउन गठबन्धनमा प्रयास जारी छ ।

एमालेबाट अष्टलक्ष्मी शाक्य उम्मेदवार छिन् ।